17 / 60
Saemeste saaman
SÁMIS
1/2013
17
Misjovnæren maana man leah åejjiem haemiedamme. Guvvie: Emilie D. Hatt
Eahpere mij vihth jealaji
Ikth maa saemien baernie lij såemies nïejtese aares-maejkiem vadte-
me. Noere nyjsenæjja tjeakoesvoetesne skåajjesne baersieldi, jïh
gaarmanæjja maanam buvviji mænngan nyjsenæjja lij voejhke-
lamme maanam moskestehtedh. Vaeltiji nyjsenæjjan skaarja jïh dle
gaarrode jaameme-maanan njaelmesne skorpiji, guktie idtji edtjh
jaemieraedteste roejhnestidh. Dej beeli idtjin daejrieh guktie edtjin
eahperidie sjeavoehtidh. Dellie dle maanam aavrosne vöörhkijigan,
skaarja njaelmesne.
Dan mænngan dellie såajhta noere paarre læjhkan pruvries-
tægan. Dellie akten biejjien nyjsenæjja lea skaarjam ohtsedeminie
– maaje skaarjetjem lij daarpesjamme, jïh ij gusnie gænnah gåetes-
ne gaavnh. – ”Nov badth maehtieh aavrosne mïnnedh, veedtjedh
skaarjam mij maanan gaelmesne kraevielamme”, gaallebe jeahta.
Jïh nyjsenæjja badth ojhte dam dorje, vaadtsa skaarjam ohtsedidh.