19 / 60
Saemeste saaman
SÁMIS
1/2013
19
Nov dle sieseben gåajkoe vihth, gåatan tjaanga. Hapkesen
jeahta: ”Barre jællan åejsiejim aahtjemine tjidtjemine galhkedh!”
Daelie jis siesebe vihth gihtjie: ”Ih leah goh aahtjedh eatnedh irhke-
lamme?”Dellie eahpere soptseste guktie jis jïjtse eejhtegh satnem
buvvielamme, jïh guktie satne daelie joe dej vööste haadtoehtam-
me, tjidtjebem båvveme jïh aehtjeben rudtjem böörhkeme.
Siesebe dellie vihth faala: ”Båetieh baarneme, åadtjoem dat-
nem laavedh lååvkemetjaetsine laavkodh!”Jïh daelie jis båata. Del-
lie maa vihth jielije maanine sjædta; jïh siesebe satnem lååvke,
”Eahpere”nommine åådtje. Dan mænngan hov saemieh gaajhkh
vöörhkeme-maanah eahperine gåhtjoejin.
Sieseben åelesne byjjeni, jïh buerie jielemebiejjieh åadtjoeji.
Maaje ånnetji joekehthlaakan vååjni goh dah jeatjah maanah, ihke
ååpsen stoerre sov åejjie. Nimhtie hov lij, ihke siesebe idtji lij sov åej
jiem haemiedamme goh satnem lååvki – eanghkomhte nov, juktie
væhtine årrodh satne eahpere lij.