SÁMIS 17-18

3 / 72

Sámis 17–18/2014 3
Dearvvuođat doaimmahusas!
Ohpihii almmuhat mii stuorát Sámis -nummira go maid Sámedikki doarjja
eaktuda. Ii ge das galle, mii leat aiddobáliid almmuhan hui assás ja fáttáid
dáfus viiddis Sámis-bláđi julevsámegillii, namalassii Sámen. Diibmá gis alm­
muheimmet Sámis-magasiinna máttasámegillii, namain Saemeste saaman.
Dáinna lágiin mii leat mearridan deavdit Sámedikki gáibádusa doahtta­
lit maiddá julev- ja máttasámegiela. Mii guldalat min lohkkiid eat ge daga
nugo Sámedikki njealječiegat hálddahus gáibida ahte seammá bláđis gal-
get buot suopmanat ihtit. Min lohkkit leat čielgasit cealkán ahte sii baicce
hálidit sierra nummiriid sin iežaset gillii dan sadjái go ovttaskas artihkkaliid
sehkkejuvvon muđui davvisámi áigečállagii. Mii doaivut Sámedikki byro-
kráhtat maiddá fuomášit dán mearrádusa jierpmálašvuođa ja oidnet mak-
kár dehálaš posišuvnna Sámis lea oažžugoahtán sámi čálakultuvrra ovddi­
deames. Muhto lea čielggas ahte jus Sámediggi ii lokte ruhtajuolludeami
Sámis-magasiidnii, de SFS ii okto veaje guoddit ja buhtadit daid lassigoluid
mat čuvvot dakkár ekspansiivva doaimmas. Dát Sámis mii dál ilbmá lea
duppalnummir. Min áigumuš livččii almmuhit guokte Sámis-bláđi davvi­
sámegillii jahkái ja dasa lassin ovtta Sámis-bláđi jahkái vurrolagaid julev- ja
máttasámegillii. Jus ruhtadilli ii buorrán farggamusat, dáidá šaddat dušše
okta bláđđi ovtta gillii jahkái, mii min mielas gal lea menddo hárve.
Sámis lea dál áidna sámi medium mas beassá almmuhit vuđolebbo artihk­
kaliid fáttáin mas sámi lohkkit berostit. Mii iskat leat áigeguovdilat ja čállit
áššiid birra mat juste dál ságastallojuvvojit servodagas. Mii buokčalat čiek­
ŋalebbot áššiide go maid min moadde áviissa dahket, go min ulbmil lea
doahttalit fágalaš lahkaneami áššiide maid gieđahallat. Dasa lassin mii há-
lidat min čállosiin vuhttot movttedis áŋgiruššama ja beaktilis ákkastalla­
miid. Dán nummiris mii ságastallat Sámedikki sajádaga birra sámi servo­
dagas, erenoamážit das ahte makkár fápmu ja váldi Sámedikkis duođai
lea. Min mielas gal visot sámi mediat jorraledje dan roggái Sámedikki 25-
jagi ávvudeami oktavuođas ahte gárte dušše mikrofon-statiivan bealuš­
teaddjiide ja daidda geain leamaš ja lea fápmu Sámedikkis. Journalisttalaš
kritihkalaš geahčasteapmi váillui eanáš sámi mediaid reportášain.
Dán nummiris mii guorahallat dárkilebbo makkár mearkkašupmi lea ONa
álgoálbmot-konferánssas ja dan čuovvuleamis. Mii markeret ahte lea 70
jagi áigi evahkkočavčča rájes Sámi davviguovlluin Suomas ja Norggas, ja
gieđahallat maiddá Ruoššabeale sámiid bággofárremiid Sovjet-áiggis.
Giellaáššit, giela geavaheapmi ja ovddideapmi leat álo guovddáš fáttát
Sámis-magasiinnas. Nu maiddá dán vuoro, sihke praktihkalaš giellageava-
heapmi ja giela duohta árvu servodagas.
Sávvat lohkanmovtta ja buori skápmaáiggi!
John T. Solbakk ja Harald Gaski
SÁMIS Nr. 17–18
Juovlamánnu 2014
Sámi čálakultuvrralaš áigečála,
man ČálliidLágádus almmuha
Sámi fágagirjjálaš čálliid- ja jorga­
leaddjiidsearvvi ovddas.
ISSN 0809-7410
Doaimmahus
Harald Gaski ja John T. Solbakk
Ruhtadeaddjit
Norgga Sámediggi, ČálliidLágádus
vuođđudus ja SFS Sámi fágagirjjálaš
foanda.
Sámis artihkkaliid ja govaid ii oaččo
almmuheaddji, čálli dahje govvi-
deaddji lobihaga máŋget.
Gráfalaš bargu
Studio Borga, Ohcejohka
Olggošgovva Siri Broch Johansen
Deaddilan Waasa Graphics Oy, Vaasa
SFS
Sámi fágagirjjálaš čálliid- ja
jorgaleaddjiid searvvi stivra
Ovdaolmmoš Lill Tove Fredriksen
Grøholtvn. 5, 9010 Tromsa
Stivralahttu Seija Guttorm
9730 Kárášjohka
Stivralahttu Trond Are Anti
Buolbmát, 9845 Deatnu
Sadjásaččat
Elisabeth Utsi Gaup
9520 Guovdageaidnu
Elen Ragnhild Sara
9730 Kárášjohka
John Henrik Eira
9730 Kárášjohka
Čállingoddi
Jođiheaddji Svein Nordsletta
Fitnodatgeaidnu 13, Pb 140,
NO-9735 Kárášjohka
Tel. +47 78 46 83 30,
+47 416 45 751
Faksa +47 78 46 83 29
E-poasta:
Sámis lea nuvttá. Dán sáhttá maid
diŋgot almmuheaddji neahttagirje­
gávppis
Sámis artihkkaliid sáhttá maiddái
lohkat dás: