12 / 72
12
Sámis
17–18/2014
MAID NAGODEAŽŽABEHTET GURPUT – JA
DE DOLLET!
Lappi soađi sivvan ledje Suoma ja Sovjetlihtu gaskasaš
vearjoluoitaga eavttut čakčamánus 1944. Duiskalaččai
de addui guovtti vahkku mearreáigi, čakčamánu bealle
muddui, čáhpodit eret Suomas. Áigi lei menddo oane
haš duiskalaččaide, geat galge sirdit moatti čuohte du
háha soalddáha lassin buot biergasiid Oulu guovllus
gitta Davvi-Norgga doarjjaguovlluide nappo Tromssa
guovlluide.
Soahti orui áidna vejolašvuohta, ja olles Lappi ál-
bmot – nu suopmelaččat go sápmelaččatge – galge eva
kuerejuvvot ovdal mearreáiggi nohkama. Virgeolbmui
de bođii fáhkka dat, ahte Lappi álbmoga uhkádussan
eai leange ruoššat, dego buot evakuerenplánain ledje
smiehtadan, muhto baicce duiskalaččat, geat ledje
juo Lappis. Evakuerenplánaid galggai moatti beaivvis
smiehttat ođđasit.
Evakuerema ledje plánen álggos dáhpáhuvvat
nuortin oarjjás muhto dál evakuerema galgege smieht
tagoahtit davvin máttás. Dasgo duiskalaččat ja suopme
laččat ledje 1941–44 lihtodan oktii, de duiskalaččat
ledje miehtá Davvi-Suoma Oulus ja Guossámis bajás
guovlluid. Davimus guovlu, gosa sáhtte olbmuid dorv
volaččat evakueret, lei Davvi-Nuortabađaeatnama mát-
tit oassi, sullii 700 kilomehtera sámeguovllus máttás.
Eanodaga sámiid evakuerejedje eará Oarje-Lappi láhkai
Davvi-Ruŧŧii.
Virggálaš mearrádus evakuerema álggaheames
addui čakčamánu 7. beaivve 1944. Ohcejohka, Anár ja
Beahcán gulle hohpolamos guovlluide. Boaittobeal gi
lážiin sáhtte dohppestit mielde dan, man iešguhtet na
godii gurput. Máŋggat Deanuleagi ássit muitaledje ož
žon rávan dušše: "Maid nagodeažžabehtet gurput – ja
de dollet!" Čohkkenguovddážiin sáhtut vuolgigohte
goittotge easkka vahkku dan maŋŋá.
Vuolgga lei máŋgasiidda oalle vásáhus. Guh-
kes, viđa jagi soahteáiggi 1939–44 jáhkke leat meattá,
go vearjoluoitta Sovjetlihtuin dahkkui. Jeaggeniittus
Máret-Niillásge ii máhttán álggos váldit oba duođasge
kránnjá sáni, baicce vuoššastii vel gáfe ja láddjestii lohp-
pii ovdal go gulul vuolgališgođii gili guovlluid. Doppe
čuvggodišgođii ášši duohtavuohta: ruovttus lei fárren
ollesfártta jođus. Niillasa nieida Máret muitalii maŋŋá,
man váivi ja lossat áhččái lei, go son áddii gártat guođđit
ruovttus:
Gábe-Jovnná (Aikio) lei Suo-
mas dovddus sámealmmái, gii
oaččui Suoma stáhta gudne
medálja ja geainna maiddái
duiskalaččat besse oahpas
muvvat soađi áigge. Gurut-
bealde Lothar Rendulic, gii
lei njunuš, go duiskalaččat
duššadedje olles Sámeeatna-
ma. Govva: Siida.