Sámis 19-20

Sámis

19–20/2015

LEAN GULLAN AHTE

áigá dolin orro sii, geaid mun

lean oahppan gohčodit mu ovdavánhemin, geaid mun

duođaid doaivvun ledje mu máttut, gitta nuppe beal-

de máilmmi. Vissismeahttun sivaid dihtii sii johttájed-

je. Dat guovlu gos orro, ii lean šat buorre gohttensadji,

ja sin birgenhálu geažil sii guđđe báikki ja vádjoledje,

nealggi dihtii, muhto maiddá dainna doaivagiin ahte

gávdnat juoidá buorebu, mii lei doppe guhkkin, guhk-

kelis go čalbmi olii. Dakkárat ledje mu ovdavánhemat,

sii ledje doaimmalebbo go earát, sis lei mokta ja ledje

gárvásat ođđa hástalusaide. Sii eai duhtan dasa mii lei.

SII GUĐET BÁHCE

ledje dat geainna ii lean gudda

vuolgit, hiitamat vuollin ja dárpmeheamit, geat eai

arvan iskat juoidá ođđa. Ovdavánhemiid máttut vulge,

doaivagiin ahte guovllut gosa bohte livčče buoret go

dat maid guđđe. Máŋggaid buolvvaid sii johte ásai-

duvakeahttá. Álo sii gehčče guhkkelii, ja fuomášedje

ođđa almmiravddaid mat geasuhedje vel ain eanet.

Jiekŋaáiggi sii vádjoledje Stuorra Čoalmmi rastá ja

bohte ođđa eatnamii, mii fertii leat dohkálaš go olusat

bisánedje ja ásaiduvve dohko ja atnigohte dan iežaset

eanan. Sin maŋisboahttit geat eai šat joatkán mátkki,

ain orrot seamma sajis.

MUHTO MÁŠUHIS JA

duhtameahttun olbmot álo

gávdnojit, sii jáhkket ahte guhkkelis, dobbelis, vel

ain guhkkelis, nuppe bealde, fávlelis, gos nu mend-

do guhkkin, máddelis dahje nuortalis, leat duovdagat

buorebut, mat geasuhit eanet. Diekkár olbmot álo

vádjolit, ohcet buorre báikki, oskkildit ja ellet doaiva-

gis. Dušše geanuheamit, geat eai veaje johtit guhk-

kelii, geat leat massán jáhku dahje geainna ii goassi-

ge leamáš doaivva, sii báhcet. Danin mun in nu liiko

mu nugohčoduvvon čeardda-ustibiidda, ja dat eana

gos sii orrot ii dohkke munnje. Dat eana ii lean doar

vái buorre mu ovdavánhemiidda, danin ii dohkke

munnje ge. Mun árkkálmasttán sin geat orrot doppe,

beanta fuonuhan sin, daid olbmuid geat eai vead-

ján Čoalmmi rastidit, sii guđet báhce opmui, sii ja sin

maŋisboahttiid.

Fertet vuolgit guhkás eret

Ruoktut

seammáláhkái go leat golgan deike

gos leat vázzán mo leat johtán

guhkebužžii oanehebbui

Stuorra jogat hehttehussan

Sámieatnamii jođedettiin

Ohccot nama min eatnamii

Gávdnon eana, lehkos namman

Sámieana Gávdnon eana

leage Sámieana don

Ole Korneliussen Saltstøtten-girjjis oasáš

Sámieatnama álgo-ássiid birra

muitaleaddji juigosis oasáš