89 / 92
Sámis
19–20/2015 89
NOV EAL L A
Jávrri-Juhán Niillas
smiehtada almmái ja livččáda stohpui. Nahkeha lái-
bevajahasa lubmii ja nu šilljui. Lea lea mannan stálle
lusa. Nigá vázzá maid dohko guvlui ja fuomáša ahte
heastasuittehat heaŋgájit áiderittas, mii lea biddjon
stállemuddara vuostá amaset gusat, erenoamážit bur-
ru, dorošii lavnnji ja njeaiddášii dan.
"Mun dat gal bidjalan Leai njálbmeruvddiid ja mols-
sastan suittiid ja iskkastan riidet Leain", čuoliha albmá
millii. Nu Nigá fállala skihpárasas láibbi ja seammás
nahkeha njálbmeruvddiid Lea njálbmái ja čavgesta vel
bákki oaivái. Ja aiddo muttágis rittas heaŋgá vel oarra,
mainna eadni láve gálbbi láidet návehii. De dat han lea
vuogas guhkki suittegin.
Nigá gorgŋe návetbuvrri ala ja njoamiha seammás Lea
čielggi ala. Vilppasta vel ahte leaba go áhčči ja eadni
fuomášan maidige. Áhčči oidno luoddumin muoraid,
ja eadni fas lea várra mannan vuodjelit gusaid meahc-
cái.
Nigá skávgala Lea, nugo láve dalle go vuodjá reagain.
Lea vázzila gulul gietti mielde siidaguoimmi dálu guv
lui.
NIGÁ ČOHKOHALLÁ TRÁHPA
alde ja geahčada go
heasttaguovttos Lea ja Poju guohtuba giettis. Poju lea
nuorra heasta, mii lea oston eváhkos. Lea lea fas boa-
res, unna heasttaš, veahá nugo boni heasta.
Lea han lea duiskka eváhkoáigge ge vásihan Sámis, go
lea nu viehkis ahte ii ádden addit iežas gitta duiska
laččaide. Go duiskalaččat ledje mannan, de báikkálaš
olbmot válde gitta, ja sis lei Lea fievrun eváhkodálvvi.
Eará heasttaid ledje duiskalaččat váldán fárroseaset ja
borran daid.
Nigá lei liikon Leai, go dat lei ráfálat ja unnit go Poju.
Poju han ruohtadii ge nu ahte muolddat girde áim-
mus. Dál ge oidnui ain duollet dálle čuskkodeamen
oaivi ja seaibi áimmus.
Nigá čohkká ja čuovvu mo Lea guohtu lagabui ja laga-
bui stobu. Orru nugo veahá áibbašeamen Nigá, ja dái-
dá vuorddašit láibbi ge, maid Nigá láve dávjá sibildit
láibelihtis verddesis.
"Dál mun dáiddán viežžalit láibbi go áhčči, Juhán
lea rántehis murremin ja eadni lea bahčimin gusa",
Riidenboles King