2 / 60
2
Saemeste saaman
SÁMIS
1/2013
Stoerre aavoe munnjien naan baakoeh tjaeledh SFS‘n/
Saemien faagelidteratuvren tjaeliji- jïh jarkoestæjjaj-
siebrien åvteste, gosse bertiejibie voesteges åarjelsae-
mien nummerem
Sámis
-plaereste! Amma lea joekoen
buerie ahte såajhta jaepien 2013 båetedh, ihke veele
daan jaepien lea nasjovnaale gïelejaepie Nöörjesne.
Dan jaepien heevehtibie ahte 200 jaepieh vaaseme
mænngan åehpies daaroen gïeledotkije jïh vaajestæjja
Ivar Aasene reakasovvi. Nöörjen gïeleveljie galkijibie
heevehtidh.
Åejvieaamhtese SFSen jaepietjåhkosne, Gærhkoen-
jaarkesne, suehpeden minngiegietjesne, hov lij sae
miengïelide heevehtidh. Åadtjoejimh lïeredh jïh gov-
ledh guktie Rassja-saemiej gïeletsiehkie daelie, jïh aaj
digkiedimh njaalmeldh saemiengïelen aerpievue-
kieh. Maaje digkiedimh saemiengïelen båetijebiej
jieh, saemiedigkien ”Bïevnese saemiengïelei bïjre”, mij
bööti seente 2012. Vihkeles gyhtjelassh tseegkedh
dan bïevnesen vööste lea dagke; guktie dle gåarede
jis Saemiedigkie muana saemien-gïelereeremedajvide
slïejhtedh. Gukth dellie båetijebiejjieh tjïeltide mah joe
leah gïelereeremedajvi åelesne, jïh guktie dellie gïele
barkojne sjædta? Snåase jïh Raavrvïjhke leah åarjelsae
mien tjïelth mah leah mealtan gïelereeremedajvine.
Stoerre aavoe goh Raavrvïjhke amma easkah åeliedi,
mænngan guhkie joe barkeme dam illedh. Nov badth
aervedem åarjelsaemieh joekoen gïehtjedieh guktie
Saemiedigkie daam aamhtesem gïetedellieh. Guktie
daelie lea, Saemiedigkien lea ovmese dåarjomeöör-
negh kultuvren, jieledeburrien, gïelen jïh ööhpehtim-
mien muhteste – mohte jis vaajtelibie jearsoesvoete
jïh båetijebiejjine barkoenuepieh dellie daarpesjibie
vihties öörnegh, gusnie reaktah jïh dïedte lea tjïelke,
guktie aaj tjïeltide jearsoes damta.
Daate nummere båata ihke åarjelsaemien lohkijh jïh
tjaelijh leah gïelebarkoste eadtjaldovveme. Åarjel-
saemien ïedtje aaj vååjnoe gïelebarkosne, ihke leah
guhkiem jïh vissjeles barkeme buerie ööhpehtimmie
vuekieh eevtiedidh. Studentide nuepieh jïjhtemi-
nie saemien lohkedh jollebe ööhpehtimmesne, jïh
åarjelsaemieh leah vissjeleslaakan barkeminie digi-
taale gïelevierhtieh eevtiedidh jïh tjirrehtidh. Rïekte
ulmien vööste, positijve, jïh konstruktijve barkoe hov
lea buerie otnjegem vaedtsedh. Aelhkie hov væhtah
vuehtedh bååstide Elsa Laulan tïjjese, jïh sov eadtjoh-
kevoete saemien kultuvren jïh ektievuekien muhteste
stoerresiebredahken vööste. Gosse lea unnebelåhkoen
gïelebarkije dellie ij leah daamhtaj aelhkie eadtjohke
årrodh. Dellie vihkeles ahte byjjesfaamoeh dåarjoem
faalehtieh, jïh seamma vihkeles gïeleguedtijijstie jïh
gïelebyjreskistie eadtjaldovvedh.
Saemien faagalidteratuvren tjaeliji- jih jarkoestæjjaj
siebrie vaajtele daejnie aejkietjaaleginie tjaaleldh-
gïelem vijries geerjehtidh jïh dïjpedh. Mijjen dååjreht-
si mietie daate lea buerie vuekie daam buektiehtidh.
Daejriejibie ahte
Sámis
vijries jaksa, jïh ahte nuhtjedåv-
va dovne maadthskuvline, jïh joekoen jåarhkeskuvli-
ne gusnie saemien ööhpehtimmiem faalehtieh. SFS
vaajtele daejnie nummerinie positijve faaleldahkem
vedtedh åarjelsaemien gïelebarkose!
Buerie lohkeme jïh læhkoes gïelejaepie dijjese
gaajhkesidie!
Dïervesjh,
Lill Tove Fredriksen, SFSen ståvroeåvtehke
•
SFS kråanesne
Gïelejaepie 2013