57 / 60
Saemeste saaman
SÁMIS
1/2013
57
Guössie čáŋá goadán.
–Buörie biejjie!
–Buörie buörie biejjie! Vuajnáh čikk’edh volese!
–Jo gäjtuo!
–Gubb’ede dâllie dadne jis boadáh?
–Á, boadám gujt nuortelistie duoj dijjen gránnaj
luvtie.
–O já, veasumes gujt áj sárnieh dâbb’ede dijjen luv
tie?
–Juv, veasumes baddh.
–Buvzijgujmie áj čarres dijjieh?
–Juv, no iebie gujt mám návjuoh.
–Goabbh dâllie leah ušš’edemienie?
–Ušš’edemienie huv leam duoguo oarjese, daj duv
oarj’el-gránnáj goajguo, guh lin hels’eme dâllie,
ažžim manne dâkkuo boad’edh.
–O já, já –
–Á, im manne dájrieh mám lin ušš’edamme, ažžem
viekkietiedh rárk’edh jallh báldiedidh jallh –
–Dâggá numtie. – Dâbb’ene áj duv buvzh?
–Á, im dájrieh mah lin muv, men daj muv gránnáj
lin gujhth.
–Hijv’en oažžuoh gieččediedh.
–Im manne dájrieh guktie, gusse sámien goadán
boadá, mah dárbeše gičč’edh – goadie-luppiem?
–Eah sih baddh sámieh dárbešh gânná goadie-lup
piem gičč’edh, iebie huv bruvkh gânná.
–Já gäjtuo. –Ij sån duv učče čázeže?
–Já, nuv amma čázie nuagá.
–Dâllie oažžuom dán muv briččh-geabnán.
–Já, men manne gujt ažžem briččegem jih učče
böbmežh stealládieden guassán.
–Já gäjtuo!
–Čikk’edh barre dugguo jih vuardáh –
–Já men dâllie gujt gámegh sigg’estem, juv vuajnám
duv duöljie duösnie, dâllie gujt dâllie disse vel’estem.
–Já, barre vel’eh jih – , gussege manne buökt’etem
beabmuoh.
Guessie tjaanga gåatan
–Buerie biejjie!
–Buerie buerie biejjie! Vuajnah tjihkedh våålese!
–Joe gæjhtoe!
–Gubpede dellie datne jis båatah?
–Aa, båatam gujhth noerhtelistie duej dijjen kraannaj
luvhtie.
– Å jaa, veasomes gujhth aaj saernieh debpede dijjen
luvhtie?
–Jov, veasomes badth.
–Bovtsigujmie aaj tjarres dijjieh?
–Jov, nov ibie gujhth maam naavjoeh.
–Gåabph daelie leah ussjedeminie?
Ussjedeminie hov leam doehkoe åarjese, dej dov åarjel
kraannaj gåajkoe, goh lin heelseme dellie, edtjimmanne
daagkoe båetedh.
–Å jaa, jaa –
–Ae, im manne daejrieh maam lin ussjedamme, edtjem
viehkiehtidh raerhkedh jallh baaltedidh jallh–
–Dagke numhtie. –Debpene aaj dov bovtsh?
–Ae, im daejrieh mah lin mov, men dej mov kraanaj lin
gujhth.
–Hijven åadtjoeh gïehtjedidh.
–Immanne daejrieh guktie, gosse saemien gåatan båata,
mah daarpesje gihtjedh – gåetieluhpiem?
–Eah sih badth saemieh daarpesjh gænnah gåetieluh
piem gihtjedh, ibie hov provhkh gænnah.
–Jaa gæjhtoe. –Ij sån dov ohtje tjaatsetje?
–jaa, nov amma tjaetsie nuaka.
–Dellie åadtjoem daan mov prïhtjh-geabnan.
– Jaa, men manne gujhth edtjem prïhtjegem jïh ohtje
beapmetjh stealladidh dan guassan.
–Jaa, gæjhtoe.
–Tjihkedh barre dohkoe jïh vuartah –
–Jaa men dellie gujhth gaamegh sigkestem, joe vuajnam
dov dueljie duesnie, dellie gujhth disse veelestem.
Jaa, barre veeleh jïh – , goske manne buektehtem beap
moeh.
•