Sámis 13

2 / 60

2 Sámis 13/2013
Dál lea jo 2013 jorramin giđđadálvvi guvlui. Beaivvit
leat čuvggodan ja českes muohtagovččas hásttuha
meahccái dollet. Sámi giellabarggut ja giela ovddi­
deapmi maid čuvvot iešguđet rávnnjiid. Norggas lea
2013 nationála giellajahki, Norgga gielladutki ja dik­
tára Ivar Aasen 200 jagi ávvudeami oktavuođas. Buot
gielat Norggas galget ávvuduvvot. Máŋggalágan
doaim­mat leat plánejuvvon, omd. girjerádjosiin ja mu­
sihkka- ja teáhterbarggu hárrái.
In dieđe vel leat go sierra plánat das mo sámegiella
galgá ávvuduvvot. SFS lágida seminára beaivvi ov­
dal jahkečoahkkima, mii dollojuvvo Kirkonjárggas
miesse­mánu 25. b. Semináras čalmmustahttit sáme­
giela almmolaš dili. Norgga Sámediggi ovddidii 2012
loahpageahčen Dieđáhusa sámegiela birra, mainna
Sáme­diggi áigu ovddidit bajimus dási politihka sáme­
giela birra. Dieđáhusa oktavuođas sáhttá omd. jear­
rat mii dáhpáhuvvá jos Sámediggi mearrida heaitti­
hit otná sámi giellahálddašanguovllu -ortnega, vai
buohkat Norggas oččošedje seammá vuoigatvuođaid
geava­hit ja oahppat sámegiela. Gielddat ja suohka­nat
mat odne gullet hálddašanguvlui, šattašedje resursa­
giel­dan. Jearaldat dás lea, maid rievtti mielde mák­
sá šaddat resursagieldan? Dát livččii dehálaš ášši SFS
miel­lahtuide, ja sávan mis šaddá buorre ságas­tallan
dán ášši birra. Sámegiela ovddideapmi ja vuoigat­vuo­
đat ja geatnegasvuođat mat dasa čatnasit, ain dagahit
stuorra digaštallamiid servodagas. Dán oaidná omd.
Tromssa suohkanis, mas evttohuvvon ovttas­bargo­
šieh­tadus gaskal Sámedikki ja Tromssa suohkana
sáhttá gomihit olles posišuvnna ovttasbarggu. Oažžu
roahk­ka dadjat, ahte min gollegiella buktá feara mak­
kár ge hástalusaid, oaiviliid ja dovdduid.
Giellajagi oktavuođas áigu min searvi maiddái ávvudit
sámegiela, ovdanbuktit árbevirolaš gulahallanvugiid
ja ságastallat somás, rikkis ja buori giellageavaheami.
Dán oassái illudan mun erenoamážit, go SFS miellah­
tut leat hui giellačeahpit ja sis leat ollu iešguđet lágan
vásáhusat ja muitalusat maid birra sáhttet muitalit.
Nu mo mun jo loahpahin ovddit Sámis nummára SFS-
čiega, de lea giellaárvu dat mii dahká ahte mii leat
válljen bargat sámegiela ovddidemiin, čálalaččat ja
njálmmálaččat, čállin, oahpaheaddjin, akademihkarin
ja kulturbargin.
Namuhan vuot SFSa Facebook siiddu. Dat ii leat vuos
nu ollu geavahuvvon, muhto ávžžuhan áinnas dasa
buktit ságaid, kommenteret áššiid, čujuhit ođđasiidda
ja eará miellagiddevaš ja somás áššiide! Ferten maid
namuhit ahte šaddá miellagiddevaš oaidnit makkár
doaimmaid Sámi giellagáldu – Davviriikkalaš sámegie­
la fága- ja resursaguovddáš, man Sámi palamentáralaš
ráđđi lea vuođđudeamen, dađistaga čađaha.
Áiggun dás loahpageahčen namuhit gielalaš illu­ságaid:
Logan Giellajagi almmuhanmildosis nuorra Oslo nieid­
da birra Anna Lanto, gii njealje jagi áigi mear­­ridii oahp­
pat sámegiela, giela man su áhčči ii beas­san oahppat.
Son lea oainnat bajásšaddan Stovneris Grorud­dalenis,
gos ii lean, nu mo dadjá, "čáffa leat dábálaš norgalaš,
gii ii máhte nuppi giela, iige dovd­da nuppi kultuvrra".
Sámegiellohkan lea earret eará dahkan dan ahte son
lea álgán ávvudit Sámi álbmot­beaivvi, juoga maid son
ii láven ovdal go lohka­gođii sáme­giela. Son lea maid
beassan gierdat ahte earát leat čavggahan su, muhto
son joatká dáinna lágiin sámevuođa čalmmus­tahttit,
ja lea velá movttii­daht­tán iežas áhči sámegiela loh­
kat. Seammá mildosis deat­tuha maiddái Sámedikki
ráđđelahttu Ellinor Marita Jåma ahte mii fertet rihkkut
siskkáldas giellajustiisa sámi servodagas, eambbo gea­
vahit dan sáme­giela maid máhttit, ealáskahttin dihte
giela. Dát leat ovda­meark­kat mo olbmot konstruktiivva
láhkai leat ovddi­dea­men giellamáhtu ja dan árvvu, ja
leat geahč­čamin ovddos­guvlui.
Sávan buohkaide buori giellajagi!
Lill Tove Fredriksen, SFS ovdaolmmoš
SFS čiehka
Giellajahki 2013