Sámis 13

3 / 60

Sámis 13/2013 3
Dearvvuođat doaimmahusas!
Dán jagi lea sihke giellajahki ja válgajahki. Dán nummiris iskat fuomá­
šahttit goappašiid áššiid, vaikko áigečállagis mii ilbmá guktii jahkái ii
leat nu álki politihka birra čállit. Ii fal dan dihtii ahte giella ge lea nu okta­
geardánis ášši, muhto politihkka gáibida beaivválaš čuovvuma ja joh­
tilis vástádusaid ja kommentáraid, nugo áviissain, radios ja TVs sáhttá
addit. Áigečállagis baicce lea dábálaš ohcat guhkit linjáid ja árvvoštallat
man guvlui áššit orrot johtimin. Sámis lea dássážii vuosttažettiin deattu­
han kulturpolitihka, muhto dán nummiris mii viggat oaivvildallat maiddá
bellodat­politihka hárrái. Duogážin dieđusge lea eaktu ahte Sámediggi
lea jurddašuvvon sápmelaččaid jietnan ja ovddasteaddjin. Sápmelaččat
geat leat dáža bellodagain lahttun, leat dan danin go sii dorjot dan bello­
daga áigumušaid. Ii ovttage Norgga riikkabellodagas leat sámepolitihkka
váldoáššin, de go omd. Norgga dálá stáhtaministtar cealká ahte Bargiid­
bellodat áigu vuoitit Sámediggeválgga, de son oaivvilda Norgga bargiid­
bellodaga, danin go mis ii gávdno Sámi bargiidbellodat. Bellodagaid
siskko­bealde gis lea nu ahte eanetlohku mearrida, de vaikko bellodaga
sámi áirasat livčče eará oaivilis, de loahpalaččat goittotge eanetlogu mear­
rádus vuoitá. Sámi retorihkas lea olu sáhka sámi ásahusaid birra, man
dehálaš lea daid nannet. Juste dan dihtii dáidá ge buot dehálemos jear­
rat ja suokkardallat ahte leat go duođaid sápmelaččat ieža geat mearridit
min váldo sámi ásahusa siskkobealde, vai leat go dáža bellodagat mat
bidjet eavttuid. Guhkebuš, ákkastalli artihkkalat leat áigečállaga dovdo­
mearka, ja moai doivo ahte Sámis-čállosat sohpet dan meroštallamii, go
áigečállaga viggamuš livččii doalahit ságastallama jođus miellagiddevaš
čállosiiguin mat buktet ovdan iešguđetge beliid min árgabeaivvis, seam­
más go jerret ahte lea go buoridanmunni gokkoge.
John T. Solbakk ja Harald Gaski
SÁMIS Nr. 13
Miessemánnu 2013
Sámi čálakultuvrralaš áigečála,
man ČálliidLágádus almmuha
Sámi fágagirjjálaš čálliid- ja jorga­
leaddjiidsearvvi ovddas.
ISSN 0809-7410
Doaimmahus
Harald Gaski ja John T. Solbakk
Ruhtadeaddjit
Norgga Sámediggi, ČálliidLágádus
vuođđudus ja SFS Sámi fágagirjjálaš
foanda.
Sámis artihkkaliid ja govaid ii oaččo
almmuheaddji, čálli dahje govvi-
deaddji lobihaga máŋget.
Gráfalaš bargu Minna Saastamoinen,
Studio Borga, Ohcejohka
Deaddilan Waasa Graphics Oy, Vaasa
SFS
Sámi fágagirjjálaš čálliid- ja
jorgaleaddjiid searvvi stivra
Ovdaolmmoš Lill Tove Fredriksen
Grøholtvn. 5, 9010 Tromsa
Stivralahttu Seija Guttorm
9730 Kárášjohka
Stivralahttu Trond Are Anti
Buolbmát, 9845 Deatnu
Sadjásaččat
Elisabeth Utsi Gaup
9520 Guovdageaidnu
Elen Ragnhild Sara
9730 Kárášjohka
John Henrik Eira
9730 Kárášjohka
Čállingoddi
Jođiheaddji Svein Nordsletta
Fitnodatgeaidnu 13, Pb 140,
NO-9735 Kárášjohka
Tel. +47 78 46 83 30,
+47 416 45 751
Faksa +47 78 46 83 29
E-poasta:
Sámis lea nuvttá. Dán sáhttá maid
diŋgot almmuheaddji neahttagirje­
gávppis
Sámis artihkkaliid sáhttá maiddái
lohkat dás: