5 / 72
Sámis
21/2016
5
Son lea maiddái bargan áigečála- ja girjedoaimma
headdjinmáŋgalot jagi. Go jurddaša sámiid minori-
tehta dili, de lea dát dehálaš aktivistabargu, dál ge nu
mo dalle 1900-logu álggus go dáruiduhttinpolitihkka
dađistaga garai. Dát lea otná servodagas erenoamáš
dehálaš. Norggabealde lea dán giđđadálvvi leamaš
Romssa aviissas Nordlysas ja facebookas digaštallan
mas dáruiduhttima váikkuhusat leat leamaš fáddán.
Haralda bargu sámi girjjálašvuođa dutkin ja servodat
berošteaddjin lea erenoamáš dehálaš go lea sáhka
das gii definere ja čállá min sámiid historjjá, ja dakko
bokte vuostálastit dáruiduhttima mii ain otná servo-
dagas lea doaibmamin. Historjáčállin lea maid dakkár
suorgi mii govvida fápmoposišuvnnaid, ja dán okta
vuođas lea sámegiela áŋgiruššan ja seailluheapmi ain
kulturaktivisttalaš doaibma.
Harald Gaski lea čájehan, ja ain čájeha, ahte sámi
girjjálašvuođa ja gollegiela gáhtten ja ovddideapmi
lea aktivistabargu mii ii noga. Lea hui mávssolaš ahte
min gaskkas leat olbmot guđet beroštit ja ovddidit
sámi čálakultuvrra ja sámi jiena. Giitu Harald dan buo-
ri pionearabarggu ovddas maid leat bargan ja mainna
joatkkát, ja lihkku beaivái mii lei!
Dearvvuođat
Lill Tove Fredriksen, SFS ovdaolmmoš