Table of Contents Table of Contents
Previous Page  11 / 72 Next Page
Information
Show Menu
Previous Page 11 / 72 Next Page
Page Background

Sámis

21/2016

11

gaskafága. Go dainna gergen de ledjen vissa (measta)

áibbas guođđán fysioterapiijaoahpu jurdaga. Sámi giel-

la ja vuoigŋa, fágan ja muđui ge oassin eallimis, ledje jo

cieggan dán studeantta varrii. Go galgen álgit váldofága

lohkat, de ledjen eahpesihkkar maidmun galgen lohkat.

Livččii miella historjjá lohkat, go lean álo liikon dasa.

Harald de namuhii ahte sus ledje muhtin boaris lávlagat

maid lei ožžon

Hans Hansen

rohkis, Porsáŋggus eret.

Dát bovttii mu beroštumi, go jurddašin ahte jos dáid

birra čálán, de beasašin maiddái guorahallat Porsáŋggu

historjjá. Guovlluhistorjjálaš beroštupmi dagahii ge ah-

te mearridin sámegiela váldofága lohkat, girjjálašvuođa

suorggi. Oahpaheaddjit ledje ain, Niillas guovttos Ha-

raldiin. Ii das galle, go gergen váldofágain bargen viht-

ta jagi Davvi-Norgga universitehtabuohcceviesus. Dan

botta gearggai Niillas leahkit munnje stuorit jorga-

lanbarggu konsuleantan. Soai han leigga ge Haraldiin

leamaš jorgalankonsuleanttat go ođđa buohcceviesus

galge ráhkadit sámegielat ossodatgalbbaid. Go lei sáhka

mo galggai jorgalit resepsjon sámegillii, de lei okta evt-

tohus ‘dustehus’. Amma árvvoštalaiga mo son dážat dán

vissa bonjašedje, ja sámegillii šattai ge resepsjon loahpas

vuostáiváldin.

Go dasto fas álgen universitehtii, dán háve oahpahead­

djin, de šattai Harald mu bargoustit. Deanobeale olm­

moš, deanobeale suopmaniin. Go studeanta beare gu-

lai Deanoleagi oahpaheddjiid logaldallamin semes­

teremnes gitta váldofága rádjái, ja vel dalle go oaččui

Deanoleagi olbmo bargoustibin ja doavttergrádabaga­

dallin, ja dasa lassin velá doavtterdutkosis guorahalai

Deatnogátti čálli románaid, de geavai nu ahte Porsáŋg­

gu guovllu giellaoahpahallái measta šattai eanet lund­

dolaš dadjat čájetit ja oahpatit, go čájehit ja oahpahit. Ja

nu geavai ge ahte oahpateaddji oahpatalli loahpas maid

šattai oahpateaddjin.

oahpateaddjin

šattai