Sámis 21

Sámis

21/2016

Ánte Mihkkal Gaup

bovdejuvvojin doaluide Hápmirii. Doppe galgen doal-

lat juoiganlogaldaga, “Knut Hamsun-dagene” oktavuo

đas. Gonagas Harald ii lean doppe, muhtoHarald Gaski

gal lei. Son galggai doppe logaldallat ja jáhkán ge son dat

lei evttohan mu bovdet dohko juoigin. Jahki lei 1992 ja

doalut ledje geasset. Dat heivii munnje bures go ledjen

juo joavkkuin geasseluomus Beardus, eamida olbmuid

luhtte. Munno guokte boarrásepmosa beasaige vel miel-

de. Ja mii čavgiimet dohko Patrolain. Ollu vuordámušat

ledje dieđus ge čadnon mátkái, maid son doppe beassá

oaidnit ja vásihit. Lena illudii oaidnit ja gullat go Lynni

Treekrem lávlu ja Lars-Áilo ges háliidii oaidnit neavttára

Helge Jordala, Borr-i-bekmørtna. Soai galggaiga guoim

muhit doppe goappašagat. Mii vulggiimet Sørskogenis,

mátki manai bures, lei fiertu ja beaivvádat ja vissa vuost

táš geardde go olbmát, 14 ja 12 jagi, leigga feargga nalde

ja tuneallaid siste. Mis lávii dávjá šaddat oalle musihkka

boddu biillas go leimmet guhkemátkkis. Na dagai dál

nai ja mu olbmát galggaiga veahkkin ráhkadit mu juoi

ganprográmma. Galggaiga guldalit ja maid čuovvolit

Harald dat 4. luohti

ivččii buot álkimus dušše juoiggastit dan luođi ja

nu ávvudit Haralda Gaski oktan heivvolaš daja-

hallamiin.

Muhto bajilčála hástala eambbo, hástala muitalit feará-

na mii čatnasa juste dan luođi ráhkadeapmái. Dáiddát

jođánit jurdilit manne luohteeaiggát navdojuvvo Ha-

rald dat 4. Ipmirdan bures jus dan dagat goit sohka-

muora ektui, go mis han lea gáimmiid oažžun ja nav-

din oalle nanu dáhpi, viidát. Ja Harald livččii de gáib-

mi iežas áhččái, áddjái ja máttaráddjái ja sihkkarit vel

navdojuvvon fire-Haraldin. Muhto nu ii leat. Gávdno-

jit gal oainnát tre-Ánddet, fire-Máhtet ja nie ain, muh-

to eai fal golmmeš-Ánddet, njellješ- Máhtet ja nu ain. Ja

guhkkin eret viđeš-Ellet dahje fem-Ellet. Ja manne vel

dasto ges namahus Harald dat 4., jus ii leat sáhka soga-

navdima dahje muđui liigenama oažžuma birra?

Juo, ovtta láhkái lea sáhka liigenama birra. Ja dasa lea

dáláš gonagas Harald veahá sivalaš. Lei oainnát nu ah-

te mus lei juoga dahkamuš gonagasbearrašiin, dalle go