Saemeste saaman 1

24 / 60

24 Saemeste saaman SÁMIS 1/2013
keme. Almetjh mah bïjre tjåadtjoeminie dam vuep­
tiestieh. Eevre goh maam joem eevre orre govloeh. Lea
voe­res almetje mij joejkeste juktie lea aajhtseme göök­
te noerh­sinsitniem gaavneme. Voeresen mïelesne mej­
jeles domtese, jïh åtna daate lea buerie ektiedimmiem
sïjten jïh lahkoen jåerhkenæmman. Joejkeminie aavoem
vuesehte, jïh noeride guaktajde daejrehte voeresboelven
jaefiestimmiem åådtjeme.
Nimhtie joejkeme maahta vihties deahpadimmide
jielemisnie veadtasovvedh, jïh maahta veadtajne årrodh
almetji gaskem.
Jïjnjh almetjh mannem gihtjeme: Gåessie dån eel­
kih joejkedh? Im annje maahteme moenedh mennie
aejkiemïeresne. Mohte mænngan jïermestalleme dle
måjhtajim aahka utni mannem eelhpedh dejnie: Datne
lih joejkeminie goh reakasovvih, jïh aahtjedh joejkemi­
ne böötih!
Hævvi im maehtieh daam mujhtedh, mohte
måjhtam vuelide mah tjidtjie utni laavlodh goh mijjem
suvhtiehti. Jïh gosse daejtie vuelide ånnetji jeatja tsaap­
memem bïejem, dellie vueptestem darhke joejkemen
tjoejide maanabaelesne suvtiehtovvim.
Voeresbiejjine leam muvhten aejkien fïerhten
beajjetje nossemisnie tjöödtjestamme åtnam dovlet­
ji novtah tjoejh govlem. Joekoen jis aktem mov åemies
laevide ussjelisijse båateme. Åhtsoes laeviej joejkemet­
joejh dellie munnjien båetieh nov goh vaajtelieh ööjel­
dihkeste bïesedh. Dellie hov lea buerie damtesem.
Manne leam åådtjeme damtedh guktie jeatjabidie
aaj aavosne sjidtieh gosse mijjen båeries joejkemh jeala­
dehteme. Dan åvteste buerie bïevsterisnie joejkestem
konsertetjiehtjeline, feastivaline, radijovesne jïh smaa­
vebe almetjetjåahkosne. Man åvteste leam daam vaadte­
sem åådtjeme, jis ij leah veele dan sjïeken vïerhtine ut­
nedhNoerhterijhki kultuvrebyjreskide vuesiehtidhmij­
jieh saemieh easkah nuepiem gaavneme guktie mij­jen
jïjtjedamtesem jïh identiteetem nænnoestidh mijjjen
jïjtsh åålmehmusigken tjïrrh, joejkemem, jïh mijjen gïe­
len viehken? Jïh mijjen leah reaktah jïjtsh damtesidie
åålmehtidh sealoen faamoj tjïrrh. Tjoeveribie lïeredh
jïjtjeme dåhkasjibie jïh gaajhke mij lea mijjen.
Dellie easkah maahta vaajmoem jïh eskiem rih­
pestidh kraannas almetjide, boerehks- jïh bårrohksal­
metjide. Dellie libie reaktam vitneme jieledh jïh mij­
jen minngieboelvh maehtieh elties vueliej nille lutnjie­
sovvedh jïh 2000 jaepide girtedh, orre aejkiej soejkesji
buerie mïelesne.