28 / 60
28
Saemeste saaman
SÁMIS
1/2013
1
Balvh tjååhpedieh
Balvh tjååhpedieh
tjuevjie, bïegke, værtoe
væhtjadahke
træjpoe!
Dle faahketji dle böövti, eevre sjeavohth
naastetjh klienjiedieh
eevre skearkedh
lea
2
Baajh dle oksem gængsjan årrodh
guktie gåatan
baahtsem
gosse
dov åelesne
daarpesjem
årrodh
3
Gåetesne,
soeve berkeste
riehpenen tjïrrh
Hijven veasoe
maanajbaeliem måjhtam,
aehtjie gon tjidtjine ektesne
Biejjieh varki nåhkieh,
biejjie goekeste,
hïevje bïegke
jïh
laadtetjh vijhtsierdieh
Dueljien nelnie gællesjem,
dållebealesne,
sjïjlide nastehtem,
dålle snjåajpelde
Krovhte rigkesne gævnjan,
bearkoeh leah doelteminie,
tjïrkes niesteste,
guktie buejtie raaktan vååjnoe våatjoeminie
Lyjnehke, njaelkie
Hijven barre åadtjodh årrodh,
naemhtie åadtjodh lïegkedidh
Dålle bækta
jïh
guhkene dubpene
dam
krievvien sjaasem
govlem
jïh
guktie
johke såaka
– dellie raeffiem dabtem.
Gaebpien Maja Læjsa / Maja Lisa Kappfjell
Gaebpien Maja Læjsa,
Maajehjaevreste båa-
ta, Nordlaantesne. Åtna Maasteregraade åarjel
saemiengïelene, jïh lea Romssan universiteetesne
barkeminie gïeleteknologijejarngesne. Muvhtene,
jeahta, teknihke tjoeperijstie jïh grammatihkeste
raaktan vïssjehtåvva. Dellie buerie baajedh åss-
jalommesh gïelen nille luajhtadidh. Eevre guktie
Gaebpien Gåsta soptseste muvhtene lea buerie
vuelien nille luajhtadidh, Maja Læjsa lea gaavne-
me soelkedimmie, aavoe jïh voejngehtimmiesijjie
fuehpies aarkebiejjien – barre boedtetjem gaajh-
kem luejhtedh, vaajesi nille luajhtadidh.