Sámis 13

11 / 60

Sámis 13/2013 11
Mun lean goit atnán dan dábálaččat dohkkehuvvon ah­
te Arbeider­partiet/Bargiidbellodaga ja Olgeš/Høyre
sámi miellahtut ja áirasat maiddái leat miellahttun na­
mahuvvon dáža politihkalaš bellodagas, ja nu ovddas­
tit maiddái riikkabellodaga, retoralaččat daddjon: odne
ovddastit Sámedikkis Jens Stoltenberg ja Erna Solberg.
Lean áiggiid čađa leamaš eatnat digaštallamiin iežan sá­
mi "ideologalaš vieljaiguin ja oappáiguin" APs ja SVs.
Eat ge mii oro áddemin bellodaga ovddasteami seamma
láhkái, eat ge goit bija seamma deattu dasa ahte maiddái
dáža bellodagaid mearridanstruktuvra lea nu ahte bello­
dagaid riikkačoahkkimat, ja dan guovddáš orgánat leat
mat loahpalaččat mearridit, eai ge báikkálašbellodagat
dahje bellodagaid Sámedikki joavkkut. Mun jearan vel
dalle retoralaččat ahte leat bat dáža bellodagat mat leat
Stuorradikkis dohkkehan Sámediggái iešmearrideami,
muhto Stuorradiggi gal ii leat? De ferte dovddastit ah­
te bellodagaid sámi ovddasteaddjin galgá leat buor­
re ja njuolgga oktavuohta dáža bellodagaid mearri­
deaddji birrasii, ja nu sáhttet njuolgga váikkuhit omd.
iešmearrideami áššis. Buorebut váikkuhit go duot
"olggo­bealde" sámi joavkkut. Muhto de gis ihtá diet
váiv­ves gažaldat - dárbašat bat mii dalle oppanassii ge
Sámedikki, go mii sáhttit dáža bellodagaid čađa ja bok­
te ovddidit áššiideamet?
De gal muittuhin vel Murmánskka-ságastallamis Álgo­
álbmogiid Máilbmeráđi (WCIP) vuosttas presidean­
ta George Manual čuoččuhusa, ja jerren: Lea go nu ah­
te eai sii leat koloniseren dušše min eatnamiid, muhto
maiddái min jurddašeami?
goas maŋimuš gielddastivra- ja fylkkadiggeválga lea dol­
lojuvvon, mearkkaša 2011.
Áirrasjuohku válgabiirriin 2013 sámediggeválgii (dávg­
giid siste erohus 2009 ektui):
Válgabiire Man ollu leat
jienastus­logus
Áirasat 2013
Nuortaguovlu 2177 6
Ávjovárri 3532 8 (-1)
Davveguovlu 2006 5 (-1)
Gáisi 2041 6
Viestarmearra 1455 4 (-1)
Åarjel-Saepmie 904 4 (+1)
Lulli-Norgga 2047 6 (+2)
Submi 14162 39
Dán tabealla dieđuide lasihan dušše iežan einnosteami,
gáttán Bargiidbellodat ja NSR bissuba stuorra joavkun,
ja ahte ain leat boahtte áigodagas ge Sámedikkis máŋga
smávit joavkku mat áiggošedje mearridit galgá go Bar­
giidbellodaga Vibeke Larsen vai NSRa Aili Keskitalo
leat boahtte sámediggepresideanta.
Leat go Sámedikkit duohta sámiid
ovddas­teaddji ásahusat?
Dasto mii loahpas vel unnánaš jorahat jurdagiid dien
hástaleaddji gažaldaga birra. Dattege in sáhte fástidit
leat dahje eai leat. Fuomášahtán goit dan ahte mun in
leat dás bajábealde digaštallan in ge čilgen doahpagiid
maid lean geavahan. Sáhttá go omd. čohkket ja dahje
sirret Sámedikki joavkkuid nu mo lean dahkan, nama­
hit daid sámi joavkun ja dáža politihkalaš bellodahkan?