Sámis 19-20

3 / 92

Sámis 19–20/2015 3
Dearvvuođat doaimmahusas!
Lohkkit dáidet leat vuorddašan ahte gosa jávkkai ođđa Sámis-nummir.
Dat han álo lea ilbman guvttiin nummiriin jahkái. Mii doaimmahusas gal
áinnas fálašeimmet Sámis-magasiinna nu dávjá go vejolaš lohkkiide, muh-
to ii gávdno ruhtadeapmi dasa. Sámedikki doarjja-eavttut gáibidit ahte
viđádas oassi sisdoalus juohke nummiris galgá leat mátta- ja julevsáme-
gillii. Dat lea sihke áddehahtti ja vuoiggalaš gáibádus, muhto mii gávn-
naimet – goit iežamet mielas – buoret čovdosa, namalassii almmuhit
sierra nummiriid mátta- ja julevsámegillii. Dat gárttai dieđus olu divraset
go maid livččii máksit dušše deaddilit moadde artihkkala daid gielaide
áigečállagis mas muđui visot eará livččii leat davvisámegillii. Lasi olggos-
golu mii eat leat ožžon buhtaduvvot Sámedikkis, muhto dan sadjái go
guođđit min buori áigumuša bálvalit mátta- ja julevsámegiela dássálaga
davvisámegielain, mii leat baicce mearridan almmuhit davvisámegillii
hárvvibut. Doaivut dan leat dušše gaskaboddosaš čoavddusin dassá go
veadjit Sámedikki oažžut čuovvulit min jurdaga ahte gieđahallat buot gol-
bma sámegiela Norggas ovttadássásaččat. Fertešeimmet gulahallat Sáme-
dikki kulturhálddahusain ja daid politihkkáriiguin geat duohtavuođas há-
lidit sámegiela ovddidit eai ge dušše hállat dan birrra. Lea oainnat hui olu
retorihkka sámegiela seailluheami ja ovddideami hárrái, muhto Sámedikki
árgabeaivvis orru gal dárogiella leat dat gaskaoapmi mii vuoruhuvvo. Bal-
lat ahte Sámedikki hálddahusas eai oainne ášši seammáláhkai go mii, ahte
sii duođaid oaivvildit ahte lea buoret goksit mátta- ja julevsámi lohkkiid
unna oasážiin muđui dievva davvisámegiel čállosiid gaskkas dan sadjái go
doahttalit dan maid min mátta- ja julevsámegiel lohkkit ieža leat dovdda-
han ahte sii leat hirbmat ilus sierra nummiriid ovddas, go dain oaidná jo
namas ja olggožis ahte leat sin gillii. Sámis-magasiinnas leat vejolašvuođat
ovdánit vaikko manin, sihke neahtas ja báberhámis. Ahte Sámisii lea
dárbu ja sadji gal lea vuosttas nummira rájes duođaštuvvon. Muhto
áigečállaga ahtanuššamii dárbbašuvvo ruhtadeapmi! Vaikko ilbmá dušše
okta Sámis dán jagi, de dat lea ge duppalnummir, oalle máŋggabealat sis-
doaluin.
Buorre lohkanmokta!
John T. Solbakk ja Harald Gaski
SÁMIS Nr. 19–20
Skábmamánnu 2015
Sámi čálakultuvrralaš áigečála,
man ČálliidLágádus almmuha
Sámi fágagirjjálaš čálliid- ja jorga­
leaddjiidsearvvi ovddas.
ISSN 0809-7410
Doaimmahus
Harald Gaski ja John T. Solbakk
Ruhtadeaddjit
Norgga Sámediggi, ČálliidLágádus
vuođđudus ja SFS Sámi fágagirjjálaš
foanda.
Sámis artihkkaliid ja govaid ii oaččo
almmuheaddji, čálli dahje govvi-
deaddji lobihaga máŋget.
Gráfalaš bargu
Studio Borga, Ohcejohka
Olggošgovva Minna Saastamoinen
Deaddilan Waasa Graphics Oy, Vaasa
SFS
Sámi fágagirjjálaš čálliid- ja
jorgaleaddjiid searvvi stivra
Ovdaolmmoš Lill Tove Fredriksen
Grøholtvn. 5, 9010 Tromsa
Stivralahttu Seija Guttorm
9730 Kárášjohka
Stivralahttu Trond Are Anti
Buolbmát, 9845 Deatnu
Sadjásaččat
Elisabeth Utsi Gaup
9520 Guovdageaidnu
Elen Ragnhild Sara
9730 Kárášjohka
John Henrik Eira
9730 Kárášjohka
Čállingoddi
Jođiheaddji Svein Nordsletta
Fitnodatgeaidnu 13, Pb 140,
NO-9735 Kárášjohka
Tel. +47 78 46 83 30,
+47 416 45 751
Faksa +47 78 46 83 29
E-poasta:
Sámis lea nuvttá. Dán sáhttá maid
diŋgot almmuheaddji neahttagirje­
gávppis
Sámis artihkkaliid sáhttá maiddái
lohkat dás: