Sámis 19-20

Sámis

19–20/2015 69

Heidi Guttorm Einarsen

OLLU OLBMUIN LEAT

iešguđetlágan myhtat sámiid

birra. Muhto maiddái sámiin leat muhtin myhtat

iežaset ja sámegiela hárrái maid berrejit guođđit. Dás

háliidan čalmmustahttit muhtin myhta mii lea cieg-

gan sámi servodahkii. Dávjá gullat olbmuid dadjamin

sámegiella lea váttis lohkat, go das leat guhkes sánit,

dajaldagat ja áddemeahttun sánit. Dát lea myhta mii

ain eallá sámi servodagas ja dál lea áigi dan guođđit.

Dát myhta čuohcá giela ovdáneapmái ja mánáid guot-

tuide oahppat ja lohkat sámegiela.

OLLU SÁMIT LEAT

dáruiduhttima geažil massán vejo

lašvuođa oahppat ja hárjehallat lohkat sámegiela, al-

bma láhkai. Muhtimat sis buorrevuođain garvet loh-

kamis sámi girjjiid mánáide dan sivas go sii jáhkket

ahte sámegiella lea seammá váttis mánáide go dat lea

alcceseaset. Ovtta láhkai sáhttit dadjat ahte dát gáttut

fievrriduvvojit ođđa buolvvaide, ja "suoládit" mánás

vejolašvuođa oahppat ja hárjánit sámegiela lohkat

ja ovdánahttit iežaset sámegiela. Muhto mánát geat

otne šaddet bajás sámi birrasis, lohket ollu eambbo

sámegiela go váhnenbuolva dagai, ja sii dárbbašit mis

veahki ain ovdánahttit ja vejolašvuođa lohkat sáme-

giela. Dat lea min ovddasvástádus láhčit sidjiide sáme

gielat girjjiid, iešguđetlágan teavsttaid, áviissaid ja

bláđiid, ja movttiidahttit sin lohkat sámegillii.

SÁMEGIELLA II LEAT

váddáset lohkat ja áddet go eará

gielat, muhto jos dan ii loga, de

dovdo

váddáset. Olb-

mot geat leat oahppan ja hárjánan lohkat omd. dáro-

gillii, vurdet ahte sidjiide lea seammá álki lohkat sáme-

giela, ja vuollánit go vásihit ahte dan ii leat. Sii navdet

dat lea giela sivva, ja dadjet dat lea váttis ja moalkái.

Nu ii leat. Buot lohkan gáibida hárjehallama, maiddái

sámegiela lohkan. Jos don logat sámegiela dávjá, de

don hárjánat dasa ja dađis dat šaddá álkibun ja don

oahpat ođđa sániid.

SÁVAN BUOHKAIDE BUORRE LOHKAMA

Lea Nu VáTTis...