Sámis 19-20

Sámis

19–20/2015 65

DÁN ÁIGGI HÁLLET

nu ollu sámi ealátusaid birra.

Diehttit čilgejit ahte sápmelaččat leat álo luonddus

háhkan birgenlági. Dolin leat sii bivdán gottiid ja gu-

liid, ja lottiid ja máŋgga lágán ealliid, ja dáin ealliin leat

fidnen sihke biepmu ja biktasa. Eai ge sii dárbbašan

ruđa ovdal go čáhppesbivttas-olbmot gáibidišgohte

vearu.

MUHTO DON DOLIN

leai sámiin ealátus maid dán áig

gaš olbmot gal eai gallis dieđe. Dan birra mun áiggun

muitalit. Go dás mii oaidnit man hearki luonddu ealá-

tus lea.

NU GUHKÁ GO

ieža bállejedje sápmelaččat ráfis eal-

lit siiddaineaset, de eai dárbbašan gal ruđa go duolle

dálle, nu go ávjostáliid ja čiŋaid oastit jos daid ii fidnen

lonutit. Jos sápmelaš muđuid ii fidnen ruđa, de manai

čakkalaggáid bivdit, dain fidnii silbaruđa. Muhto čak

kalaggáid eai bivdán eará go dalle go duođaid leai

dárbu. Čakkalakkes-bivdu ii lean eambbo go lassi ealá-

tus, goittot daidda geat máhtte rivttes láhkái bivdit.

MUHTO DE ÁIGGIS

boahtigohte gonagashearrát gái-

bidit vearuid, ja daid maŋis johte rievvárat ja rievided-

je silbadávviriid ja ruđaid. Sápmelaččas šaddagođii

ruhtaheahti, ii ge lean eará go dorvvastit čakkalakkes-

bivdui. Dan láhkái ohppe eanebut dan bivdovuogi,

maid ovddežis ledje dušše hui moattis máhttán.

GO DAT ČAKKALAKKES-BIVDU

ii oahpatuvvon go

earenoamáš luohtetahtti olbmuide, dakkáriidda geat

ledje dáiddolaš luonddu-diehttit. Sii bivde álo várru-

gasat ja govttolaččat, ja sámi eatnamis biste ja laske

čakkalaggát.

DÁL II DAGA

šat maide ge jos didjiide buohkaide mui-

talan mo dat bivdu leai, go čakkalaggát leat áigá dolin

jo jávkan sámi-eatnamis. Ja dat lea sápmelačča iežas

sivva.

ČAKKALAGGÁT LEDJE EATNAN

vuoláš olmmoš-háp

másaččat, uhcit dego njuorat-mánážat ja álás. Dat orro

eatnan-sis-ráiggiin, ja sierra galbma-ádjágiin mat dál-

vit ledje suddás. Čakkalaggát ledje hui váibmilat galb-

ma mielkái, áinnas suossan dahje jikŋon mielkái. Dain

leai silbaruhta valjis. Ledje vissa ruhtii ge váibmil, go

dievva čoavjji lávii ruhta. Dološ olbmot lohke ahte go

daid fáhtii gitta ja šluvgilii, de lávejedje leat lossat ja

čoavjji siste lávii skillat.

SÁPMELAČČAT LEAMAŠ ÁIGÁ

dolin jo hutkan daid

bivdit. Čakkalaggás leai oainnat dakkár dáhpi, ahte jos

guđii guoros gápmat dan ráiggi dahje ádjat gurrii, de

cokkai gápmat sisa guktuid julggiid, ja jos vuotta leai

gápmagis, de giesai vel gápmat, ja hoahká ahte "gie-

ran gieran de ain čuolbmadan". Jos olmmoš dalle fáhk-

kestaga bođii, de čakkalakkis ii háhppetan báhtarit.