64 / 92
Juhu Niillas
Čakkalakkes-
ealátus
Dán muitalusa, mii duođaid lea novealla, leat mii
viežžan ovddeš Tromssa sámi studeanttaid Árpa-
nammasaš áigečállagis. Árpa ilmmai moadde
jagi 1970-jagiid loahpageahčen ovdal go Sámi
áigečála-vuođđudus ásahii Sámi Áigi-nammasaš
áviisa, masa de jotke čállit muhtun Árpa-miel-
bargit ge geat ledje áŋgiruššan ásahit áviisa mii
ollásit lei sámegillii. Árpa berostii erenoamážit
sáme servodatlaš áššiin ja giella-gažaldagain,
muhto das ihte ain duollet dálle čáppagirjjálaš
čállosat ge – dego omd. dat čálus maid dán
Sámis-nummiris deaddilat ođđasit, namalassii
Nils Jernslettena árbevirolaš muitalanvuogi miel-
de heivehuvvon novealla
Čakkalakkes-ealátus
.
Novealla ilmmai vuosttas geardde Árpa nr. 4, 2.
jahkegeardi, geassemánus 1978. Ođđasis alm-
muheapmi dáhpáhuvvá ovttasráđiid Niillasa
vuoigatvuođaoamasteaddjiiguin, namalassii su
eamidiin ja mánáiguin. Sámis lea ovdal deaddilan
nuppi Juhu Niillasa muitalusa,
Doddjon peanna
, ja
leat ilus go beassat juogadit min lohkkiiguin Juhu
Niillasa attáldagaid čállin ge. Mii leat doalahan
Niillasa giela juste nugo ieš dan čálii.
64
Sámis
19–20/2015