54 / 72
54
Sámis
21/2016
Aage Solbakk
Govvamuittut
Ledjen studeremin Oslos 1970-logu álggus. Čuvvon
mielde mii ain dáhpáhuvai davvi Sámis – ja eren
oamážit makkár čállosiid Finnmarken-áviisa almmu-
hii Deanus. Nu fuomášin áviissas čállosa maid muh-
tun nuorra gánda, Harald Gaski lei čállán mearra
lottiid birra. Lei eiseválddiin ohcan lobi báhčit
mearralottiid mat su oainnu mielde ledje issorasat
lassánan Deanus ja daid oalgejogain. Dat sáhtte
buktit dávddaid guollenállái.
Jurddašin nuorra gánda han lea beanta čeahppi
čállit ja ákkastallan. De su fertešii oažžut čadnot
sámi kulturdoaimmaide, ja áinnas lohkagoahtit
sámi girjjálašvuođa universitehtas. Ieš maid beroštin
sámi girjjálašvuođa logadettiin Oslo universitehtas,
muhto vuoruhin lohkat sámegiela ja historjjá.
Mu jurddašeamit Harald hárrái duođaid šadde
duohtan, ja dán háve govvamuittut galggašedje
govaid ja teavsttaid bokte govvidit Harald Gaski
girjjálašvuođa mátkki Deanuleagi Sieiddás Tromssa
gávpogii. Harald dutkamat han čájehit ahte Deanu
leahki lea viehka erenoamáš sámi girjjálašvuođa his-
torjjá dáfus. Teavsttat čájehit ahte sápmelaččain lea
gávdnon alladási álbmotpoesia, sihke hámi ja sis
doalu dáfus.
Mii vuolgalit Sieiddás gos Harald lea bajásšaddan.