60 / 72
60
Sámis
21/2016
Buolbmágis johttát viidáseabbot
Goavddesgurrii
, mii lea dastán lah-
ka Guoikka.
Goavddesgurra lea erenoamáš
báikenamma. Nama vuođđun
lea
goavddis
(tromme) man noai-
di geavahii einnostit earret eará
bivdolihku. Gura bajágeahčen lea
bálvvosgeađgi – sieidi – man noai
di lea bálvalan. Sieiddi lahka leat
golbma godderokki, mat vissásit
leat geavahuvvon bivdit gottiid
oaffaruššama várás.
Jacob Fellman, gii lei Ohcejoga
báhppa 1820–1832, lea merken
muitui dáid dajaldagaid maid
noaidi geavahii bálvalettiin sieiddi:
Vuidojuvvo, vuidojuvvo bassi sieidi
Bora dahje it bora
Leage datte mu Ipmilan.
Goavddesgursieidi. Govva: Mihkku Solbakk.
Eai buohkat dieđe dan ahte
Britt Rajala (r. 1953) lea ollu
jagiid bargan jorgalit ođđasit
Bippala davvisámegillii. Ođđa
Testamente lea jo almmus-
tuvvan, ja dál lea boares Tes-
tamenta geargga geargga,
nu ahte moatti jagi geahčen
de almmustuvvá olles Bippal
davvisámegillii. Vuođđun lea
leamaš Bibal, Bassi čala, man
jorgalii Jáhkoš-Lásse – Lars
J. Hætta ja mii almmustuvai
1895:s. Govas Britt Rajala ja
su beana “Peik”.
Gova oamas-
teaddji: Eli Rajala Lautz.