Sámis 13

35 / 60

Sámis 13/2013 35
ahte sihke gielat ja daidda gullevaš čearddalaš joavkkut
gal jávket dušše buolvva geahčen (omd.: jukagiragiella,
itelmengiella, korjakigiella). Giellamolsunfenomena lea
eahpitkeahttá máilmmiviidosaš váttisvuohta. Máŋga
máilmmi gielain leat hui hearkkes dilis, go hállit leat
baicce hállagoahtán stuorit gielaid main lea eanet stáh­
tus, nu mo eŋgelasgiella, spánskkagiella, ruoššagiella,
dárogiella, ruoŧagiella jnv. Ja vaikko lea ge dál stuorra
giellamolsunproseassa, de dat ii dárbbaš mearkkašit ah­
te giella jápmá ja oalát jávká.
Oktageardánis giellaoaidnu
Leat iešguđet oainnut gielaid dili hárrái. Dušše defini­
šuvnnat das mii giella lea sáhttet spiehkastit, sihke dut­
kiid gaskkas ja giellaservodatlahtuid gaskkas (olbmot
geat identifiserejit iežaset sierranaš gielain). Go giella­
dutkit oidnet giela vuosttažettiin grammatihkalaš ja
struktuvrralaš fenomenan, eai ge váldde vuhtii sosiá­
la, politihkalaš, kultuvrralaš, historjjálaš ja psyko­loga­
laš konteavstta mas giella hábmejuvvo ja ovdána, de
lea sakka stuorát várra das ahte sáhttet šaddat boasttu­
árvvoštallamat. Váttisvuođat maiddái čuožžilit go dut­
kit badjelgehččet oainnuid mat olbmuin, geat identi­
fi­serejit gielain, alddiineaset leat iežaset giela ja dan
ealasvuođa hárrái.
Giellageavaheaddji oaidne­
meahttun­vuohta
Unnitgielaid oktavuođas eanas giellageavaheaddjit eai
oidno servodagas, erenoamážit jos gielas lea unnán stáh­
tus. Eanas olbmot guđet geavahit unnitgiela beaivvá­
laččat, dábálaččat eai searvva sosiála, politihkalaš dah­
je kultuvrralaš eallimii, juoga mii dahká sin oaidne­
meahttumin, erenoamážit olggobeale olbmuide geat
eai dovdda dan giellaservodaga bures. Dutkit eai álo
ge fuomáš vejolaš giellageavaheddjiid eanetlogu (olb­
mot geain lea iešguđet dási giellamáhttu muhto eai gea­
vat giela aktiivvalaččat), nuorat buolvva (30-), olbmuid
geain lea unnán sosiála stáhtus (omd. psyhkalaš buohc­
cit, juhkkit ja nu gohčoduvvon "asosiála" olbmot) ja eará
čearddaid olbmuid geat máhttet áitojuvvon giela.
Sii geat leat eanemus oidnosis unnitlogugielaid okta­
vuođas leat politihkalaš njunnožat ja kultur­jođi­
headdjit, olbmot geain lea alla sosiála stáhtus, giella­
čeahpit (oahpaheaddjit, giellageavaheaddjit geain lea
– Hástalusat ja ehtalaš ovddas­
vástádus unnitgielaid dutkamis