Sámis 21

Sámis

21/2016

MAN MÁŊGII SON

mun lean geahččan olggos girdi-

glásas? Man máŋga tiimmu lean čohkkán biillas, bus-

sas, togas, geahčan olggos máilbmái?

IN DIEĐE. GEAHČČALIN

oktii rehkenastit man ollu áigi

mu eallimis lea geavahuvvon dušše johtit Tromssa ja

Deanu gaskka – šadde moaddečuohte tiimmu bere

dat. Dieđán maid ahte eanáš iežan eallimis in leamaš

jođus – eanáš eallima lean orron ovtta sajis, ja eanáš

eallima dat okta sadji lei Tromsa.

De ožžon barggu, dahje válden barggu, biddjo

juvvojin bargat, ja vulgen viidásebbo Tromssas.

GO OLBMOT JERRET

lean go mun Tromssas eret, mun

muhtumin dajan ahte lean riegádan ja bajásšaddan

doppe, go dat lea okta vástádus. Muhtumin lasihan

ahte mu sohka lea Deanus, de dohko mus lea gullevaš

vuohta.

Mun gulan Detnui, lean Tromssas eret.

SÁHTAN GO LEAT

Deanus eret go lean álo Detnui gul-

lan? Muhto áinnas lean Tromssas eret. Muhtumin, jus

lea guhkit hálešteapmi, mun lasihan ahte lean álo or-

ron Tromssas danin go mu váhnemat fidniiga dohko

barggu. Go lea sáme akademihkármánná, de šaddá

bajás doppe gos sáme akademia lea, ja mu govva

sáme akademias lea alo leamašan Tromsa.

MUHTO OASSI SÁME

akademias lea ahte jođi lea buo-

ret go oru, ii go son álo lean konferánsa gos fitnat,

dutkanfriija maid váldit. Ja muhtumin mun, moai, mii

čuovuimet fárus, beasaimet leat oassin das. Ja muhtu-

min lean johtán okto – in leamaš goassige akademia-

mátkkis jođus okto, muhto diet mat masá gullet oktii

dasa: dáidda ja lávdi ja sámevuohta, álgoálbmotvuoh-

ta, muhtumin johtá dohko gos dat čájálmas dahje

čájáhus lea.

Muhtumin ii jođe guhkás muhto vuolgá liikkáge,

go orui dego eallin lei eanemus eallima lágan go

ledjenjođus.

DALLE MUN ORRON

rievdamin, šaddamin danin olm

mošin gii hálidin leat, gii orron sáhttimin leat, gean

álkimusat fuomášin go in lean báikkis. Beaiveloddi

darbbaša kokoŋŋa vuoi veadjá ollásit šaddat, muhto

olmmoš, muhtun olbmot, fertejit leat olgun, mannat

johtui, vuoi láddet – in dieđe makkár luonddumetafora

dasa heive, lean álo buoremusat liikon johtit gávpogiin.

Liikon lundui go beasan geahččat dan dan botta

go lean jođus, go dat rievdá ja mun beasan govvestit

ja guođđit.

BIDJAT LUONDDU MAID

oainnán jurdagii ja mobilgo-

vaide, ja de máhccat dasa go fas boahtá miella. Go in

leat jođus, go lean stirdon báikái ja in dieđe goas fas

beasan johtui. (Muhto mun fárrejin deike gos lei dat

bargu ja dál measta alo dieđán goas fas lean jođus,

orun gávpogis masa liikon buoremusat go dieđán jus-

te goas beasan stuorát gavpogii vuolgit.)

DE LEI IMAŠ

vel alccen ge, go girddimet – mii, njeallje

ollesolbmo, váhnemat ja mánát dieđusge, beassá

bat das gal goassige? – muhto ollesolbmot buohkat,

ja liikkáge fas jođus dego livččiime čivggat, moai

KOSER I I JA

Sire K. Gaski