71 / 72
Sámis
21/2016
71
De bođiiga njoammil ja oarri simppu ja njuikku. Gum-
pe gulai mo oarri stoavkkuhii go bođii njuikku muo-
raid gaskka. De gumpe navddii ahte reaŋggas lea
stuorra bissu mielde man gelddii ovttat láhkai. Dalle
suorganii ja njuikii eret risselánas ja ruohtai buot maid
vejii. Muhto go oarri oinnii mo risselátna girddii áib-
mui ja gulai makkár jupma šattai, de son ge suorga-
nii ja gakculii guossamurrii. Muhto dat deaivvai leat
dat guossa mas guovža lei čohkkámin ja de guovža
gis suorganii nu ahte gahčai vuolás guosas ja manai
measta jámas. Ja buot eanemusat ballái njoammil. Son
doapmalii báhtui ja ruohtai nu ahte ii gullan ii ge oaid-
nán, ja hurggii njuolga riebana njeaiga. Ja dalle gal rie-
banis ge buollái hoahpu.
Lei jo maŋŋit nuppi beaivvi ovdal go guovža ja gum-
pe ja rieban deaivvadedje fas. Ja dalle ledje ain nu
balus ahte dušše doarggistedje. Gumpe dajai: “Dieinna
reaŋggain gal mun in duostta maidige. Das lei stuor-
ra bissu mielde, ja dan dat gealdimiin gelddii, nu ahte
vuovdi jumai.” Ja guovža dajai: “Dat lei nu bahá ahte
gavccui guossamurrii mu lusa, ja jos mun in livčče njui-
ken, de gal vissásit livččii gáskkestan mu jámas.” Ja rie-
ban dajai: “Dat bođii dego álddagas, ja mun in ádde
mo bessen oppa báhtui ge.” Ja maŋŋil sii mearridedje
ahte njoammil oažžu orrut Sámis ii ge dárbbaš mannat
vieris eatnamii, ja danin dat lea ain dáppe.
Muitalus lea gávdnon
Nomadskolans läsebok I
-girjjis,
man K.B.Wiklund lea čállán.
Davvisámegillii jorgalan: Britt Rajala