65 / 72
Sámis
17–18/2014 65
Tricksteriin leat iešguđet hámit iešguđet kultuvrrain,
dat lea dego speadjalat olbmuide. Trickster ihtá vaikko
makkár hámis, sáhttá rievdat ja leat olmmožin, eallin ja
vaikko manin.
DEAIVVADETTIIN TEATEROLBMUIGUIN CANADAS
fuopmái son "man dehálaš lea ahte mii álgoálbmo-
gat ieža ráhkadit humoristtalaš čájálmasaid iežamet
birra. Beassandihtii eret oaffarrollas ja mollet dan
stereotyhpalaš gova mii mis lea dahkkon."
SARA MARGRETHE ČÁLLÁ
maid mo son vieččai oah-
pu nu mo beakkán Dario Fo:as. Ja eará čeahpes teater
olbmuin. "Lea leamaš hui ávkkálaš gullat ja oaidnit
movt eará lávdedáiddárat geavahit njuolggo neaktin-
vuogi, ja maiddái oaidnit teatera gos neavttár guoddá
buot ja guoskkaha ja olaha gehččiide dušše ovdan-
buktinvugiin."
SON ČÁLLÁ VIIDÁSUT
mo son bargagođii ovdánahttit
teavsttaid gos muitalusaiguin, luđiiguin ja humoriin
cuiggoda dan mi geavvá sámi servodagas. Vuosttaš
monologa šattai karaktera Biigá, nubbi Boazobánni ja
goalmmát Ágon. Son čállá ahte buot golbma mono-
loga leat huksejuvvon skealbma-árbevieruin. Iskat hu-
moriin juoidá mii lea unohas ja čihkosis dollojuvvon
ášši. Lohká leat geavahan humoristtalaš muitalusaid,
myhtaid ja sátnevádjasiid ja seaguhan daid karakte-
raid eallimii. Karakterat leat šaddan čiekŋalat main leat
dovddut ja juoga váimmu alde maid muitalit. "Buoh-
kat leat badjelgehččon muhto dál dat buohkat ihtet
oidnosii albma skealbman. Buot karakterat bohtet
lávddi ala vuoittahallon olmmožin ja guđđet lávddi
vuoitin."
DÁN GIRJJIS ÁDDEN
makkár stuorra barggu Sara Mar-
grethe Oskal lea bargan ovdánahttit ođđaáigásaš
sámi skelbmošanneaktinvuogi. Dát lei su
daiddalas
"doavttergráda"
Oslo Dáiddaallaskuvllas
.
Son lea joh-
tán máŋgga sajis máilmmis dáiguin iežas čállojuvvon
bihtáiguin, main luođit ja muitalusat leat vuđđun.
GIRJI LEA JORGALUVVON
ja heivehuvvon sámegiel
lohkkiide ja dasa leat ee. lasihuvvon mátkereivvet
Eurohpás, Asias ja Austrálias 2010–2014. Dát heive
mu mielas oahppogirjiin ii dušše sidjiide geat barget
teaterlávddis. Muhto buohkaide geat beroštit sámi
kulturárbbi ovdánahttit min áigái.