58 / 92
58
Sámis
19–20/2015
”Gumpe lea Sáhtán ja Sáhtán lea Ipmil!”Dáid sániid
vissa dajai suhttan ja juhkan boazosápmelaš Jovnna-
Jovnna – Jon Jonsen dalá maŋŋá beassážiid 1728:s.
Dát dáhpáhuvai Ovllá-Biehtára – Peder Olsen lávus
beallemiilla eret Ohcejoga girkobáikkis. Dáppe lei sih-
ke Jovnna ja Biehtára dálveguohtoneana. Geassit lei
sudno orohat Lágesvuona guovllus. Biehtár mávssii
vearus dáppe mearragáttis ja Jovnna gis lei Ohcejoga
vearromáksi.
Jovnna lei boahtán Biehtára lávvui fárrolaga su má-
gain Ásllat-Ovlláin. Soai bures válduiga vuostá, ja Bieh
tár fálai sudnuide jugástaga – viehka ollu buolleviinni.
Sii háleštišgohte dan birra mo gumppet spedje bohc
cuid ealu siste. Dat ledje maiddái goddán Jovnna buo
remus hearggi. Ja dađistaga go Jovnna eambbo ja
eambbo juhkaluvai, de son eambbo ja eambbo bajidii
jiena. Ja de vissa ribahii sáddehit: Gumpe lea Sáhtán ja
Sáhtán lea Ipmil! De gal Ovllá máhka ge suhtihii, ja nu
Jovnna bálkestuvvui olggos.
VÁIDOJUVVUI
Go Biehtár maŋŋelaš deaivvai skuvlaalbmá, Duommá-
Issáha – Isak Thomassen Lágesvuonas, de son muitalii
fearána birra mii dáhpáhuvai lávus – ja daid garra sá-
niid maid Jovnna lei geavahan. Áŋgiris skuvlaalmmái
manai njuolgga miššonbáhpa Knud Leema (1) lusa ja
muitalii dáhpáhusa birra. Ja nu ášši váidojuvvui.
Várra Biehtár ii livčče muitalan dáhpáhusa birra skuvla
albmái jos diehtán ahte dat muitala dan miššonbáhp
pii. Christian V Norgga Láhkii lei čállojuvvon ahte sus,
guhte bilkida Ipmila nama, galggai čuhppojuvvot
njuovčča ja de steavliduvvot. Oaivi ja njuovčča galge
biddjot čuoldda geahčái balddonassan.
Fáldi Krog lei geargat áššáskuhttit Jovnna ráŋggáštus
áššin Gonagasa Lága vuođul. Ášši lágiduvvui dikki ov-
dii Gilevuonas borgemánu 1. beaivve 1729.
Aage
Solbakk
Bilkidan Ipmila