59 / 92
Sámis
19–20/2015 59
DIGGI
Dikki álggadettiin fáldi deattuhii Jovnna fasttes sániid
mat ledje bilkidan Ipmila nama. Jovnna lei 13 jagi gea-
vahan Lágesvuona guovllu geasseorohahkan. Son ii
máhttán dárogiela. Dan gal máhtii skuvlaalmmái, Issát
gii nammaduvvui dulkan. Su dulkoma bokte Jovnna
gažaduvvui.
Sundi vuos jearai gii su lei váidán. ”Ovllá-Biehtár lea
mu váidán sátnegeavaheami birra maid mun sivahal-
lon lean dadjan”, vástidii Jovnna. ”Makkár sániid ban
dadjet?”, dáhtui sundi diehtit. ”Dan in gal muitte, dan-
ne go ledjen nu juhkan”, vástidii Jovnna.
Biehtár lei stevdnejuvvon vihtanin. Nu lei maiddái su
reaŋga, Niljas-Niljas – Nils Nilsen. Duođaštusat eai or-
ron leamen doallevaččat. Danne jerrojuvvui Biehtáris
ahte ii goh lean oktage čielggos olmmoš lávus.
”De lei”, vástidii Biehtár, ”mu eamit Rávdná ja mu bárd-
ni Niljas, gii lea 21 jagi boaris, ja mu reaŋga Niljas.”
Sundi oaččui čielggasin ášši vuos dán muddui. Go jo
Jovnna ieš ii muitte maidige, ja Biehtár – gii lea vuolg
gahan ášši – lea inhabila, de lei báhcán dušše okta
vihtan. Láhka gáibidii guokte vihtana oažžut Jovnna
dubmejuvvot. Danne ášši maŋiduvvui boahtte diggái
nu ahte sáhtii stevdnet daid earáid geat ledje leamaš
lávus.
Dassái go diggi fas galggai rahppot, de Jovnna addui
su sielumorašteaddji ja Lágesvuona searvegotti háldui.
GUMPE LEA
SÁHTÁN
JA SÁHTÁN
LEA IPMIL!