SÁMIS 17-18

Sámis

17–18/2014

dan gussiin livčče galgan dahkkot dokumentára, muhto

báhcos dal dát ášši vuos dán vuoro.

Eará muittuid gaskkas lea namahan veara ahte ledjen

resolušuvdnalávdegottis beakkán Álttá čoahkkimis go

NSR biehttalii sáddemis jođiheaddjis dalá Gonagas

Ovllá70-jagi ávvudeapmái. Dat mearrádus lei mealgadii

váldosivva dasa go Sámi eatnansearvi (SLF) vuođđu

duvvui gonagas-ustitlaš molssaeaktun sápmelaččaide.

Ja mun ledjen válgalávdegottis jahkečoahkkimis Snåsas

go Odd Mathis Hætta lei čoahkkinjođiheaddjin ja alm-

muhii mii dáhpáhuvvá go leat vel báhcán 2 minot sárd-

nidanáiggis, muhto dat muitalus dáidá heivet buorebut

eahketprográmmii go ieš riikkačoahkkinsáhkavurrui.

Mun geassádin politihkas go álgen journalistan, ja das

maŋŋelis akademihkkárin, kommentáhtorin ja doaim-

maheaddjin – barggut mat mus leamaš das rájes, ja maid

mun návddašan.

Dát dušše oanehis duogážin muitalan dihtii ahte vaik-

ko ieš lean vuoruhan eará áššiid go politihka, de mun

anán hui árvvus sin geat váldet badjelasaset politihkalaš

doaimmaid, go sin haga min demokratiija ii livčče lean

dan muttus go otne lea. Muhto in heaitte goassige

imašteames sin, go mun balan ahte sii fertejit leat juo-

galágan masochisttat. Go manin bat muđui galggašii

oktage válljet alcces dakkár barggu mas jándora 24 tiim-

mus moitojuvvo goit 18 daid tiimmuin, ja dušše áibbas

hárve rámiduvvo barggus ja mearrádusaidis geažil. Sámi

politihkkáriid hárrái ii sáhte gal lea sáhka fápmostalla-

mis ge, go sii han hui hárve ožžot liibba dan dahkat. Ja

gokko dáža politihkkárat geat leat ealáhahkii mannan

ain jotket kommenteret mii servodagas dáhpáhuvvá,

dego omd. Kåre Willoch, de baicce jaskkodit ovddeš sá-

mi politihkkárat álfárot go heitet. Ii bat dat leat imaš?

Sámi politihkas ja servodateallimis ii gávdno oktage

čihččet áddjá viesus, ii oppa son ge gean dii buohkat dál

jurddašehpet. Orru dego sámi politihkalaš doaibma lea

gohččun – gohččun mearriduvvon áigái, ja go dat áigi

lea meaddil, de lea gohččun ge nohkan. Dalle sii leat

dahkan servodatdoaimmaset. Ii ge gávdno oppa sámi

First House ge gosa sáhtášedje álgit lobbyistan ja ášše

vuojeheaddjin. Dan dili duođalet bealli lea ahte nuor-

ra sámi politihkkáriidda eai báze seniorat geaid geava-

hit ráđđeaddin.

Sámedikkis dehálaš symbolalaš

mearkkašupmi

Bissun dihtii duođalet bealis dán logaldagas, de áiggun

vuos dadjat moadde sáni Sámedikki posišuvnna bir-

ra. Dás dáhtun fuomášahttit riikkaidgaskasaš beali,

erenoamážit álgoálbmot-máilmmis, gos Sámedikkis lea

stuorra symbolalaš mearkkašupmi, mainna duođaid gal-

gá illudit. Symbolalaš mearkkašupmi lea dehálaš ja da-

nin lea riekta vuoruhit ONa ja riikkaidgaskasaš ásahus-

aid, dasgo aiddo dien suorggis mii galgat atnit ávkki das

ahte leat láidestuvvon davviriikkaid oahpahusvuogá

dagaid čađa. Nugo sámi sátnevádjasis daddjo, de galgá

dat geas lea máhttu, ávkkástallat dainna – atnit dan ál

bmogii buorrin. Dás mis lea vejolašvuohta čájehit álgo

álbmotsolidaritehta praktihkalaččat. Maoriálbmoga

maŋis leat sápmelaččat dat álgoálbmotjoavku mas lea

alimus oahppa máilmmis. Dát lea riggodat man ferte

atnit ávkin, sihke min juridihkalaš, servodatdieđalaš ja

kulturfágalaš alla gelbbolašvuođa.

Vaikko skuvllaeiseváldiid áigumuš ovddeš áiggiid lei

assimileret sápmelaččaid, de sin daguid boađus lei ah-