SÁMIS 17-18

Sámis

17–18/2014 33

te sápmelaččat šadde guovtte-kultuvrralažžan. Sámi

kulturvrra oahpaimet ruovttus, eanetloguálbmoga kul

tuvrra gis skuvllas. Sámi máilmmeoaidnu man vuođđun

ledje myhtat, giella ja árbevierut attii midjiide gullevaš

vuođa ja roahkkatvuođa dáid árvvuid ovddidit. Nie

lei guhkká, muhto dađistaga dagahii guhkes dárui

duhttinpolitihkka dan ahte olusat otne deaividit ođđa

árgabeivviin, gos baicce lea sáhka olbmuid ruovtto

luotta integreret sámi servodahkii. Dalle šaddet hásta-

lusat earáláganat. Gos bearaš ovdal lei sámi iešdovddu

vuođđu, de ožžot dál sihke mánáidgárddit ja skuvllat

olu dehálat rolla gaskkustit sámi sisdoalu. Gaskaoap-

mi mii ovdal adnojuvvui mánáid dáruiduhttit, lea dál

šaddan sámáidahttinarena. Dilli lea jorggihan áibbas

nuppegežiid. Lea čielggas ahte dákkár rievdadeami

oahpahusásahusa ovddasvástádusas ádjána sajáiduht-

tit, ja dat ovddasta prosessa mii lea bistán eanet uhccit

dan beaivvi rájes go sámi fáttát bohte skuvlii, dan rájes

go Sámi oahpahusráđđi ásahuvvui ja miehtá Sámedikki

25-jahkásaš doaibmanáiggi.

Sullasaš dilli lea sámegiela oahppamis. Árbevirolaččat

mánát ohppe giela ruovttus, ja skuvla ii nagadan

mánáin rivvet sin eatnigiela. Dál lea baicce šaddan sih-

ke mánáidgárddi ja skuvlla ovddasvástádussan sámi

mánáide oahpahit sámegiela – dilli mii gáibida áibbas

eará vugiid go dalle go sámegiella lei sihke ruovttugiel-

la, skuvllagiella ja birastahtti servodaga giella. In áiggo

joatkit dán árvaladdama, dušše deattuhit ahte dát leat

vuođđohástalusat maiguin Sámediggi ferte rahčat go

dan doaibman lea šaddan leat

sihke

sámi Stuorradiggi

Oahpahusdirektoráhta oktanaga.

uoggát maid atnit muittus ja ságastallat

ovddosguvlui

Sáhkavuoru nuppi oasis namahalan muhtun čuoggáid

mat leat hástalusat Sámediggái, ja NSRii ráđđehus

bellodahkan:

•

ii diktit iezas dájuhuvvot

eiseváldiid sollen-politihkkii –

politics of distraction

; ii dohkkehit ah-

te sámepolitihkka galgá leat re-aktiiva responsa, muh-

to baicce gáibidit ahte dat doaibmá pro-aktiiva prak-

sisin! Joatkit buriin bargguin atnit riikkaidgaskasaš

šiehtadusaid nannen dihtii gáibádusa beassat mearridit

iežamet áššiid ja beassat iežamet bušeahta juohkit dáh-

tumet mielde!

•

viiddidit kulturdoahpaga meroštallama.

Kultuvra ja giella lea Sámedikki deháleamos bargu,

dan bokte mii duođaštat iežamet iešdovddu. Dát ii leat

dušše dajaldat dahje klišea, dat lea duohtavuohta! Sá-

mediggi orru stivremin dakkár áddejumi mielde ah-

te kultuvra earret duodji lea seammá go dáidda. Duo-

ji han leat man nu imašlaš sivas čuoldán eret kultuvr-

ras. Dáidda lea oassi kultuvrras, muhto kultuvra lea ol-

lu viiddit go dat! Go Sámediggi hállá kultuvrra birra,

de orru dego Dáiddáršiehtadus fátmmastivččii visot

mii gullá sin kulturdoahpaga vuollái, ahte omd. dat mii

duođaid galggašii leat kulturkonferánsa gohčoduvvo

dáiddárkonferánsan. Dás ferte ođđasit jurddašit. Bov-

dejehket áinnas alit oahppoásahusaid mielde dán bar-

gui! Ja muitet našuvnnalaš – ja riikkaidgaskasaš – bea-

li kulturpolitihkas. Mun sávašin – dál go 25 jagi jo leat

vássán – ahte farga iđášii sámi kulturpolitihkár, muh-

tun gii ii ovddas dušše iežas guovllu, muhto oaidná olles

sámi našuvnna, ja ahte mii dat lea mii čatná min oktii.