22 / 72
22
Sámis
21/2016
Berit Merete Nystad Eskonsipo
Priváhta ja persovnnalašvuođa gaskavuohta
IMA girjjis
MÁILMMIS DÁSA
Dikta lea váldon IMA dahje Inger-MariAikio-Arianaick (2001) diktagirjjis
Máilmmis dása.
Dik-
ta govvida eadneolbmo, gii lea badjelmeare váiban go
njuoratmánná čierru ahte čierru, ja gii háliidivččii dan
dilálašvuođas eret. Go lean lohkan diktagirjji
Máilmmis
dása,
de lea munnje báhcán dakkár dovdu ahte Inger-Mari Aikio-Arianaick lávke dáinna diktagirjjiin iežas
priváhtaeallimii, ja lebbe sihke iežas ja bearraša eallima
diktagirjji lohkkiide. Lea gal čielggas ahte vaikko divt
tat leat čállon mun-hámis, de dikta-mun ii dárbbaš leat
Inger-Mari Aikio-Arianaick. Muhto manne munnje
almmatge bázii dakkár dovdu ahte dás lávke priváhta
vuhtii?
Dán čállosis suokkardalan priváhta ja persovnnalaš
vuođa gaskavuođa Inger-Mari Aikio-Arianaick girjjis
Máilmmis dása.
Dát diktagirji iská rájiid persovnnalaš
vuođa ja priváhta gaskkas. Divttat govvidit nissonol
bmo, gii ráhkásmuvvá nuppi kultuvrra albmái ja náitala
suinna, šaddá áhpeheapmin ja oažžu máná, ja su vuost
taš jagiid eadneolmmožin. Girjjis ovdanbuktojuvvo
lohkkiide "mun"-olbmo ipmárdus náittosdilis, áhpehis
vuođas ja smávvamánnááigodagas diktahámi oanehis ja
deaivilis dadjanvugiiguin.
snuđđu
čierru
bárgu
báárgu
bááááárguuuu
holvu
hoooooolvuuuuuuuuuuuuuuuu
gillju
giiiiiiiiiiillllljuuuuuuuuuuuuuuuuuuuuuuuuu
gottášingo su
vai iežan?