23 / 72
Sámis
21/2016
23
PRIVÁHTA JA PERSOVNNALAŠ
Gokkomanná rádji priváhta ja persovnnalašvuođa gask-
kas, ja mii earuha dán guoktá? Iešguđetge olbmot dái-
det dulkot priváhta ja persovnnalašvuođa gaskavuođa
iešguđetge ládje. Go lea persovnnalaš, de vuovdala iežas
ja iežas vásáhusaid. Go lea priváhta, de manná veahá
guhkkelii, dahje menddo guhkás muhtumiid mielas, ja
muitala iežas dahje earáid birra dakkáriid maid olmmoš
anášii gullat intiima-sfearii. Danmaidmun anán priváh-
tan, dat ii soaitte earáid mielas leat nu priváhta, ja nup-
pe ládje. Muhto lea maiddái nu, ahte jus galgá olahit ol-
bmuide ja sin dovdduide, de ferte vuovdalit iežas ja leat
persovnnalaš. Persovnnalašvuohta hukse lagasvuođa ja
luohtehahttivuođa. Jus de lávke guhkkelii, intiima-sfea-
rii, de šaddá priváhtan, ja dat sáhttá ges dulkojuvvot leat
menddo lahka. Muhtomin sáhttet priváhta áššit dovdot
unohassan, erenoamážit jus amas olmmoš rahpá iežas
menddo ollu.
MÁILMMIS DÁSA
Máilmmis dása
lea Inger-Mari Aikio-Arianaicka dah-
je Inger-Mari Aikio, nugo son dál gohčoda iežas, njeal
ját diktagirji, ja dat ilmmai 2001:s. Inger-Mari Aikio
evttohuvvui diktagirjjiinis
Máilmmis dása
Davviriik-
kaid Ráđi girjjálašvuođabálkkašupmái jagis 2004. IMA
ii ožžon dan bálkkašumi, muhto dan oktavuođas jorga-
luvvui su girji dárogillii. Girji lea maid maŋŋel jorgaluv
von suomagillii ja eŋgelasgillii.
Go lohkendiktagirjji dárogiel jorgalusa,man vuođul gir-
ji várra árvvoštallojuvvui go evttohuvvui Davviriikkaid
Ráđi girjjálašvuođabálkkašupmái, de orron iežan mielas
lohkame áibbas eará girjji go sámegiel originála. Juoga
orru dego jávkan jorgalanproseassas, vaikko lea čeahpes
jorgaleaddji gii lea jorgalan girjji. Sámegiel ja dárogiel
girjjit leat dego guokte goabbatlágan buktaga. Dan dih-
te ii leat mu mielas dáidaga ektui vuoiggalaš go sámegiel
Inger-MariAikio.